Këto janë pamjet e aksidentit të rëndë që ka ndodhur në 10 Prill në Fushë-Kuqe të Kurbinit, ku humbën jetën dy persona.
Ismajl Ismaili 60-vjeç banues në Fushe-Kuqe dhe Gjin Muhaj 21-vjeç banues në Mirditë, ishin nisur të punonin tokën e të parit.
Të hipur mbi zetorin të cilin e drejtonte Ismaili, gjithçka dukej në rregull për pak çaste.
Në këtë video duket momenti kur traktori del nga rrugica ku kishte shtëpinë 60-vjeçari dhe merr për në të majtë, në rrugën kryesore. Nuk dihet çfarë ka ndodhur por papritmas, duket se drejtuesi humb kontrollin, rrokulliset dhe bie në kanal afër urës së këmbësorëve.